ಧ್ವನಿ

ಲೇ: ಅನು

ಸಂ: ಅಭಿ

    ಧ್ವನಿ

ನಾವಿದ್ದೇವೆ ಕತ್ತಲ ಕೂಪದೊಳಗೆ

ಸದ್ದು ಗದ್ದಲದ ಸಂತೆಯೊಳಗೆ

ಇಲ್ಲಿದೆ ಬೇಕಾದ್ದು, ಬೇಡಾದ್ದು

ಸರಕುಸರಂಜಾಮು ಸುಮಾರಾದ್ದು

ಸದ್ದಿಲ್ಲದ ತಾವು ಮಾತ್ರ ಇಲ್ಲಿಲ್ಲ

ಅನತಿ ದೂರದ ಇನಿದನಿ ಕೇಳುವುದಿಲ್ಲ

ಇದು ಚಕ್ರವ್ಯುಹ ಒಳಬರುವ ದಾರಿ ನೂರಾರು    

ದಾಟಿ ಬರಲು ಅಡ್ಡಿ-ಆತಂಕ, ಅಜ್ಞಾನ ನೂರು   

ಬಾಗಿಲು ಮುಚ್ಚಿದೆ, ಕಿಟಿಕಿ ಬಿಗಿದಿದೆ

ಗದ್ದಲದ, ಕತ್ತಲಲಿ ದಿಶೆತೋರದಿದೆ

ಬೆಳಕಿನೊಂದು ಕಿರಣಕೆ

ಕಣ್ತೆರೆಯ ಬೇಕಿದೆ ನಾವು ಅಂತರಾಳದ ಅಂತಃಸ್ವತ್ವದ ದನಿಯ

ಕೇಳಬೇಕಿದೆ ನಾವು, ಇಂದು; ಎಂದೆಂದೂ.......